Innritun

 
 

Innritun

Endurnýjun umsókna og innritun nýnema fyrir næsta skólaár 2017-2018 stendur yfir hjá Tónstofunni. 

Umsókn um skólavist fyrir næsta vetur er hvorki bindandi af hálfu umsækjanda né af hálfu skólans. Aðstæður skólans breytast frá ári til árs, en á hverjum tíma er reynt að koma til móts við eins marga umsækjendur og mögulegt er. 

Sækja má um skólavist með eftirtöldum hætti: 
- Á skrifstofu skólans að Stórhöfða 23. 
- Með því að fylla út þetta umsóknareyðublað og senda til skólans rafrænt eða í pósti. 
- Með því að senda tölvupóst til skólans tonsvj@mmedia.is með eftirfarandi upplýsingum. 

Nafn nemanda:
Kennitala:
Lögheimili:
Leikskóli/grunnskóli/framhaldsskóli:
Nöfn og kennitölur forráðamanna:
Heimasími(ar):
Farsímar forráðamanna:
Vinnusímar forráðamanna:
Netföng forráðamanna:
Upplýsingar um annað nám sem umsækjandi stundar:
Aðrar upplýsingar eða athugasemdir:

Vakin er athygli á því að ef tónlistarskólinn er utan lögheimilissveitarfélags, þarf að endurnýja umsóknir árlega hjá viðkomandi sveitarfélagi og staðfest samþykki þess að liggja fyrir áður en nemandi hefur eða heldur áfram námi í tónlistarskólanum. Því er brýnt að þeir sem hafa áhuga á skólavist eða ætla sér að halda áfram námi í Tónstofunni veturinn 2017-2018 láti skólann vita og sendi inn beiðni til lögheimilissveitarfélags þar að lútandi eins fljótt og mögulegt er.

Sum sveitarfélög hafa þar til gert eyðublað/beiðni á heimasíðu sinni (nám í tónlistarskóla utan lögheimilissveitarfélags) sem nauðsynlegt er að fylla út og skila á viðkomandi skólaskrifstofu.

Hér
er einnig umsóknareyðublað frá Tónstofunni sem forráðamenn eru beðnir um að fylla út og skila til Tónstofunnar og lögheimilissveitarfélags ef ekki er um annað eyðublað að ræða á skólaskrifstofunum.
Umsækjendur fyrir næsta skólaár þurfa að vera skuldlausir við Tónstofuna og eru hlutaðeigandi hvattir til að greiða útistandandi skólagjöld fyrir 15. júní 2017. Um greiðslutilhögun má þó alltaf semja svo fremi að haft sé samband við skólann. 
Allir nemendur skólans þurfa einnig að sækja um skólavist í Rafrænni Reykjavík, sem er þjónustuver Reykvíkinga á vefnum (líka þeir sem eiga lögheimili utan Reykjavíkur). Umsóknin er gagnvirk og skráist beint í miðlægan gagnagrunn. Í þjónustugáttinni er síðan hægt að fylgjast með stöðu mála, hvort umsóknin hefur verið samþykkt, sett á biðlista, verið hafnað o.s.frv. Allir íbúar Reykjavíkur eldri en 18 ára geta stofnað þjónustugátt á vefsvæðinu. Börn undir 18 ára aldri eru skráð í þjónustugátt foreldra sinna. Foreldrar sækja um fyrir börn sín undir 18 ára aldri. Börn eru skráð hjá því foreldri sem þau hafa lögheimili hjá skv. þjóðskrá. Ítarlegri hjálp er að finna inni í kerfinu, einnig má fá aðstoð með því að hafa samband við Tónstofuna í síma 5612288 eða 8622040. Það er markmið Reykjavíkurborgar að vefurinn verði öflug þjónustuveita íbúa þar sem hægt verður að senda inn umsóknir, erindi og eiga samskipti við borgina á hvaða tíma sólarhringsins sem er.