Starfsfólk

 

Starfsfólk

 

057.jpg

Valgerður Jónsdóttir

tonsvj@mmedia.is

Valgerður Jónsdóttir er skólastjóri og ábyrgðaraðili Tónstofunnar. Valgerður lauk píanókennaraprófi frá Tónlistarskólanum í Reykjavík árið 1980. Árið 1987 lauk hún BM námi í tónmenntakennslu og músíkmeðferð frá University of Kansas og University of Texas Medical Branch, í Bandaríkjunum og hlaut bandarísk starfsréttindi sem músíkþerapisti sama ár (RMT registered music therapist). Vorið 2004 lauk hún meistaraprófi MA í músíkmeðferð frá Norges Musikkhøgskole í Osló. Valgerður varði doktorsritgerð sína: Music-caring within the framework of early intervention. The lived experience of a group of mothers of young children with special needs, participating in a music therapy group við Álaborgarháskóla 7. nóvember 2011.

Valgerður var formaður Félags músíkþerapista á íslandi (Físmús) frá stofnun þess árið 1997 til ársins 2011. Hún er fulltrúi Íslands í The European Music Therapy Confederation (EMTC) og ritstjórnarfulltrúi Íslands fyrir Nordic Journal of Music Therapy .

Valgerður stofnaði Tónstofuna árið 1987 og starfar þar sem tónlistarsérkennari og músíkmeðferðarfræðingur. Hún starfaði sem músíkmeðferðarfræðingur á Barna- og unglingageðdeild LSH frá 1987 til 2009.

 
044.jpg

Jóna Þórsdóttir

jonathor@hive.is

Jóna Þórsdóttir lauk BM námi í músíkmeðferð frá Álaborgarháskóla 1990 og diploma námi í tónmenntakennslu yngri barna frá Esbjerg Konservatorium 1999.

Veturinn 1990 til 1991 vann Jóna sem músíkmeðferðarfræðingur við Heyrnleysingjaskólann í Reykjavík. Á árunum 1991-1992 og 1997-1999 starfaði hún sjálfstætt sem músíkmeðferðarfræðingur í Danmörku á ýmsum stofnunum fyrir fullorðna einstaklinga með sérþarfir og fyrir aldraða með heilabilun. Jóna kenndi tómennt í alþjóðlegum skóla í Zambíu á árunum 1999 til 2004. Hún kenndi öllum aldurshópum og einnig nemendum með sérþarfir. 

Jóna gegndi formennsku í Félagi músíkmeðferðafræðinga á Íslandi frá september 2014 til júní 2015.

Jóna kom til starfa í Tónstofunni haustið 2005.

 
032.jpg

Marie Huby

mariehuby@yahoo.fr

Marie Huby lauk BA námi í tónlist frá Paris IV - La Sorbonne háskóla 2005. Á árunum 2002 til 2009 kenndi hún á píanó og tónfræði í tónlistarskólum í Frakklandi.

Marie Huby fluttist til Íslands árið 2009 og lauk meistaranámi í tónmenntakennslu frá Listaháskólanum 2012. Meistararitgerðin hennar fjallaði um tónsköpunarverkefni fyrir börn með sérþarfir. Meðfram náminu vann Marie meðal annars á heimili fólks með fötlun og sem tónmenntakennari í grunnskóla. 

Marie kom til starfa í Tónstofunni í janúar 2013.

 
047.jpg

Ásrún I. Kondrup

kondrup@simnet.is

Ásrún lauk BA námi í tónsmíðum frá Listaháskóla Íslands árið 2005. Hún útskrifaðist með kennsluréttindi í grunn- og framhaldsskóla úr tónmenntakennaradeild Tónlistarskólans í Reykjavík 1991. Á árunum 1984-1986 stundaði hún nám í Dalcroze kennsluaðferðinni í Nordisk Rytmik seminarium í Lyngby, Danmörku.  

Ásrún hefur kennt tónmennt í grunnskóla, en einkum hefur hún kennt á píanó. Hún stjórnaði barnakór Háteigskirkju um skeið og kenndi í Tónskóla Sigursveins og í Tónheimum.

Ásrún hefur stundað kennslu í píanóleik og söngiðkun í Tónlistarskólanum á Klébergi frá árinu 2005. Árið 2006 hóf hún kennslu í Fjölmennt símenntunarmiðstöð og hefur kennt þar tónlist með áherslu á skapandi upplifun og skynjun frá árinu 2006.

Ásrún hóf stórf í Tónstofunni haustið 2014.

 
IMG_0861.jpg

Ari Agnarsson

magaorgel@gmail.com

Ari útskrifaðist sem tónmenntakennari frá Tónlistarskólanum í Reykjavík 1984.
Starfsferill: Organisti við Þorlákshafnarkirkju frá 1986-1988. Forskóla og tónfræðikennsla hjá Tónmenntaskóla Reykjavíkur 1988-1991. Skólastjóri Tónlistarskóla Skaftfellinga, Kirkjubæjarklaustri 1991-1995. Hljóðfærakennari við Tónlistarskólann í Garði og skólastjóri sama skóla 1992-1993. Frá 1993 til 2013 tónlistarkennari við Fullorðinsfræðslu fatlaðra (sem varð Fjölmennt árið 2001). Málmblásturskennari hjá Skólalúðrasveit Vesturbæjar og Miðbæjar frá árinu 2005 til dagsins í dag. Frá árinu 2012 til dagsins í dag umsjónarmaður verkefnisins Hljómafl á geðsviði LSH, sem er hljóðversvinna með ungu fólki sem hefur greinst með geðklofa. 

Ari hóf störf í Tónstofunni haustið 2015.

 
DSC07982.jpeg

Kirstín Erna Blöndal

ernablondal@simnet.is

Kirstín Erna Blöndal nam söng og píanónám í Tónlistarskólanum í Garðabæ og Tónlistarskólanum í Reykjavík. Kennarar hennar voru Snæbjörg Snæbjarnardóttir, Marta Halldórsdóttir, Gísli Magnússon og Selma Guðmundsdóttir. Erna hefur sótt fjölda námskeiða hjá m.a. Emmu Kirkby, Robin Blaze og Peter Phillips. Erna söng með Mótettukór Hallgrímskirkju til margra ára og er einn af stofnendum Schola cantorum sem er margverðlaunaður kammerkór undir stjórn Harðar Áskelssonar. Þá starfaði hún einnig með kammerhópnum Grímu undir stjórn Árna Heimis Ingólfssonar. Hún hefur komið fram á fjölda tónleika sem einsöngvari og kórsöngvari bæði hér heima og erlendis m.a. með Voces Thules, Thallis Scholars, hljómsveitinni Sigurrós og söngkonunni Björk Guðmundsdóttur. Erna hefur komið víða við, sungið inn á teiknimyndir, tölvuleiki og ýmsa geisladiska ásamt því að setja saman eigin söngtónleika í samvinnu við frábæra tónlistarmenn. Má þar nefna Gunnar Gunnarsson píanóleika og organista, Jón Rafnsson, bassaleikara, Matthías Hemstock, slagverksleikara, Kippa Kanínus, raftónlistarmann, Sigtrygg Baldursson og marga fleiri. 

Árið 2005 gaf hún út geisladiskinn Faðm “sorgin og lífið” sem inniheldur tónlist með textum um sorgina, vonina og lífið og árið 2011 gaf Skálholtsútgáfan út geisladiskinn,  Hjartað játi, elski, treysti en þar syngur Erna sálma eftir Sigurbjörn Einarsson, biskup.   

Erna starfar í dag við kennslu, útfararsöng og söng við ýmsar kirkjulegar-  og veraldlegar athafnir. Þá sinnir hún eigin tónleikahaldi ásamt því að hafa umsjón með barnastarfi Fríkirkjunnar í Hafnarfirði.

Kirstín hóf störf í Tónstofunni haustið 2017.

 
 

Skólanefnd

Rut Ríkey Tryggvadóttir, formaður
Gerður Steinþórsdóttir, varaformaður
Gunnhildur Gísladóttir, gjaldkeri
Þorleifur Hauksson, ritari
Sólborg Bjarnadóttir, meðstjórnandi
Dóra Eydís Pálsdóttir, meðstjórnandi
Ásthildur Gyða Torfadóttir, meðstjórnandi
Fulltrúi kennara er Valgerður Jónsdóttir