Gjaldskrá
Gjaldskrá Tónstofunnar á skólaárinu verður sem hér segir, með þeim fyrirvara þó að hvorki komi til frekari niðurskurðar né óvæntra útgjaldaliða að kröfu skóla- og frístundasviðs Reykjavíkurborgar, útgjalda sem ekki verður mætt öðruvísi en með hækkun skólagjalda. Þjónustusamningur Tónstofu Valgerðar og skóla- og frístundasviðs lækkaði um 7,07% fyrir skólaárið og var það ákvörðun skólanefndarinnar að hækka skólagjöldin frá fyrra ári sem því næmi til að geta mætt hækkuðum rekstrarkostnaði.
Eins og sjá má er gjaldskráin sveigjanleg og tekur mið af tímalengd og fjölda nemenda í kennslustund. Kennslufyrirkomulag hvers nemanda getur verið breytilegt frá ári til árs. Fyrirkomulagið tekur m.a. mið af óskum foreldra og því sem kennari telur henta nemandanum best. Í þessari breytilegu gjaldskrá felst einnig undirbúningstími og námsefnisgerð sniðin að þörfum hvers nemanda. Skólaárið telst rúmir 9 mánuðir (lok ágúst út maí).
Hægt er að nýta Frístundakort Reykjavíkurborgar í Tónstofunni. Frístundakortið er styrkjakerfi í frístundastarfi fyrir 6 - 18 ára börn og unglinga með lögheimili í Reykjavík. Styrkurinn er 75.000 krónur á barn. Nánari upplýsingar um Frístundakort Reykjavíkurborgar má finna hér.
Einnig er hægt að nýta Frístundakort Kópavogsbæjar sem veitir foreldrum/forráðamönnum barna á aldrinum 5-18 ára með lögheimili í Kópavogi frístundastyrk vegna þátttöku í skipulögðu íþrótta- og tómstundastarfi. Frá og með 1. janúar 2023 er styrkurinn 56.000 krónur á barn á ári. Heimilt er að ráðstafa frístundastyrknum hvenær sem er á árinu óháð fjölda greina/námskeiða. Fimm ára börn í Kópavogi fá 85.000 króna frístundastyrk árið 2023. Gert er ráð fyrir að þau geti iðkað a.m.k. eina íþrótt eða aðra tómstund foreldrum að kostnaðarlausu. Iðkendur eiga rétt á styrk frá og með því ári sem 5 ára aldri er náð, til og með því ári sem 18 ára aldri er náð. Nánari upplýsingar um Frístundakort Kópavogsbæjar má finna hér.
Forráðamönnum með lögheimili í öðrum sveitarfélögum er bent á að kynna sér frístundakerfi síns sveitarfélags.
Vakin er athygli á því að ráðstöfun frístundastyrkja til greiðslu skólagjalda Tónstofunnar er eingöngu heimil á haustönn. Ráðstöfun frístundastyrkja og skipting greiðslu skólagjalda nemenda 0 til 18 ára fer fram í gegnum Abler (Sportabler).
Innheimta skólagjalda hjá þeim sem ekki geta nýtt sér frístundakerfi sveitarfélaganna fer fram með óbreyttu sniði og verða
skólagjöldin innheimt með fjórum jöfnum greiðslum:
1. október, 1. desember, 1. febrúar og 1. apríl.
Innheimtukostnaður krónur 250 leggst ofan á hvern innheimtuseðil sem skráður er í heimabanka og sendur í pósti til forráðamanna. Ef fleiri en einn nemandi úr sömu fjölskyldu sækir skólann er veittur 15% systkinaafsláttur af heildarupphæðinni.
Forráðamenn eru hvattir til að fylgjast vel með innheimtunni og ef þörf krefur gera athugasemdir og fá ráð í síma 8622040 eða á netfanginu tonsvj@mmedia.is
Gjaldskrá Tónstofunnar skólaárið 2025 til 2026 verður sem hér segir (sjá fyrirvara hér að ofan):
Sérkennsla I
30 til 40 mínútna einstaklingstími á viku
Krónur 144.500
Sérkennsla II
45 mínútna einstaklingstími á viku
Krónur 168.000
Sérkennsla III
60 mínútna einstaklingstími á viku
200.000
Sérkennsla IV
30 til 40 mínútna einstaklingstími og 45 mínútna hópur á viku
Krónur 179.800
Sérkennsla V
30 til 40 mínútna einstaklingstími á viku og bjöllukór
Krónur 176.000
Sérkennsl VI
45 mínútna einstaklingstími á viku og bjöllukór
Krónur 185.000
Sérkennsla VII
60 mínútna einstaklingstími á viku og bjöllukór
Krónur 200.000
Sérkennsla VIII
45 mínútna hóptími á viku
Krónur 117.700
Sérkennsla IX
60 mínútna hóptími á viku
Krónur 110.000
Sérkennsla X
Bjöllukór.
Krónur 117.000
Sérkennsla XI
Styttri námskeið eru verðlögð sérstaklega eftir lengd og umfangi.