Vegna innheimtu skólagjalda!
Vegna innheimtu skólagjalda.
Kæru nemendur og forráðamenn.
Þrátt fyrir óvissu um framvindu skólahaldsins var tekin sú ákvörðun að innheimta skólagjalda yrði með hefðbundnum hætti. Tónstofunni var ekki lokað fyrr en 24. mars. Hluti nemendahópsins fór þá í fjarkennslu og nokkrir fengu verkefni til að spreyta sig á. Kennarar skrá þá tíma sem falla niður og reynt verður að bæta upp tapaðar kennslustundir með öllum tiltækum ráðum, jafnvel á haustdögum haldi nemandinn áfram næsta skólaár. Hugsanlegt er að einnig verði hægt að koma til móts við greiðsluerfiðleika fólks með öðrum hætti. Ef þið hafið fyrirspurnir eða viljið koma á framfæri athugasemdum þá vinsamlegast beinið þeim til Valgerðar í síma 8622040 eða á netfangið tonsvj@mmedia.is
Gangi ykkur öllum vel
Kærleikskveðja, Valgerður
Hefðbundin kennsla fellur niður í Tónstofunni!
Kæru nemendur og forráðamenn athugið!
Hefðbundin kennsla fellur niður í Tónstofunni frá og með þriðjudeginum 24. mars og þar til takmörkunum þessum verður létt!
Heilbrigðisráðherra hefur ákveðið, í samræmi við tillögu sóttvarnalæknis, að takmarka samkomur enn frekar en áður vegna hraðari útbreiðslu Covid-19 í samfélaginu.
• Hvar sem fólk kemur saman og í allri starfsemi skal tryggt að hægt sé að hafa a.m.k. 2 metra á milli einstaklinga. Starfsemi og þjónusta sem krefst mikillar nálægðar milli fólks eða skapar hættu á of mikilli nálægð er óheimil. Þetta á einnig við um starf þar sem notkun á sameiginlegum búnaði getur haft smithættu í för með sér.
• Þá er mælst til þess að kennarar sem kenna við fleiri en eina tónlistarkennslustofnun fari undir engum kringumstæðum á milli stofnana, velji þá einn skóla sem heimastöð ef ekki er hægt að stunda fjarnám.
• Þar sem kennsla nemendahóps Tónstofunnar krefst mikillar nálægðar og þar sem kennarar Tónstofunnar (utan Valgerðar) kenna allir við aðrar stofnanir/tónlistarkennslustofnanir í hærra starfshlutfalli en í Tónstofunni verður kennslu ekki lengur haldið til streitu í Tónstofunni.
• Hvatt er eindregið til fjarnáms á sviði tónlistarkennslu þar sem því verður við komið.
• Taka þarf tillit til sérstöðu nemendahóps Tónstofunnar, en á meðan þetta ástand varir munu kennarar Tónstofunnar í samráði við nemendur og forráðamenn sem þess óska leggja sig fram um að sinna fjarkennslu eins og mögulegt er.
Ákvörðunin tekur gildi aðfaranótt þriðjudags 24. mars.
Stöðuuppfærsla vegna COVID-19
Kæru nemendur og forráðamenn!
Starfið í Tónstofunni heldur áfram á meðan við erum hvött til þess af skólayfirvöldum. Það tekur hins vegar breytingum frá degi til dags og nú er Jóna Þórsdóttir komin í sóttkví þar sem stór hluti nemendahóps hennar eru jafnframt nemendur Klettaskóla. Jóna hefur samband við sína nemendur vegna þessa. Allir þeir sem starfa innan veggja Klettaskóla hafa nú farið í sóttkví.
Ég vek athygli á því að fleiri kennarar Tónstofunnar kenna nemendum sem sækja Klettaskóla en þar til við finnum fyrir einkennum er okkur sagt að það sé í lagi að halda áfram þar sem kennslan hafi ekki farið fram innan veggja Klettaskóla.
Nemendur sem koma frá Ás-styrktarfélagi hafa ekki mætt í skólann frá 4. mars og margir forráðamenn hafa af skynsamlegum varúðarráðstöfunum kosið að halda viðkvæmum börnum sínum heima. Margir forstöðumenn sambýla hafa einnig tekið þá ákvörðun að halda skjólstæðingum sínum heima. Það er því fremur hljóðlátt í Tónstofunni þessa daga.
Starfið í Tónstofunni er þess eðlis að ekki er mögulegt að halda þeirri fjarlægð sem mælt er með og þó við gerum okkar ítrasta til að sótthreinsa á milli nemenda þá er ekki hægt að meta hversu vel tekst til í þeim efnum!
Fyrir þau ykkar sem haldið börnum ykkar heima er hér skemmtilegur vefur með mörgum barnalögum og hugmyndum að tónlistar-, dans- og hreyfiverkefnum með leikskólabörnum en sem vel má nýta með eldri nemendum. Einnig eru á vefnum sögur með viðlögum, ævintýri og þjóðsögur, svo og þjóðlög frá ýmsum löndum.
https://www.bornogtonlist.net/#tophome
Gangi ykkur vel og kær kveðja,
Valgerður
Tónlistarkennsla innan veggja grunnskólanna fellur niður!
Kæru nemendur og forráðamenn!
Samkvæmt upplýsingum frá Skóla- og frístundasviði er tónlistarkennsla ekki lengur leyfileg innan veggja grunnskólanna. Öll tónlistarkennsla þarf að fara fram í húsnæði eða heimastöð tónlistarskólanna sjálfra. Þetta þýðir að Jóna Þórsdóttir má ekki lengur kenna nemendum sínum á skóla eða frístundatíma í Klettaskóla/Öskju og kennsla Mínervu M. Haraldsdóttur í Háaleitisskóla fellur einnig niður.
Tónlistartímar í grunnskólum brjóta gegn því sem nú er uppálagt í sóttvörnum og litið er svo á að það sé áhætta að kennari taki nemendur frá mismunandi bekkjum í tíma. Þó viss mótsögn felist í því að mati undirritaðrar að bjóða sama nemendahóp (sama mengi kennara/nemenda) upp á nýja tímasetningu og nýja staðsetningu fyrir tónlistarnám sitt er okkur uppálagt að koma til móts við þennan nemendahóp eftir fremsta megni og reyna allt sem hægt er til að tónlistarnám þeirra haldi áfram með einhverjum hætti. Því mun Jóna og Mínerva hafa samband við þá nemendur sem um ræðir og bjóða þeim upp á nýja tíma í húsnæði Tónstofunnar að Stórhöfða 23, 110 Reykjavík.
Foreldrar munið að öryggi og hagsmunir hins viðkvæma nemendahóps Tónstofunnar er ávallt í fyrirrúmi og verður að ráða för í öllu skipulagi!
Kær kveðja, Valgerður
Áríðandi tilkynning!
Kæru nemendur og forráðamenn.
Á miðnætti í kvöld taka gildi takmarkanir á skólastarfi í samræmi við auglýsingu heilbrigðisráðerra. Leik- og grunnskólar sem og tónlistarskólar munu starfa áfram með einhverjum takmörkunum.Tónstofan vekur athygli á eftirfarandi:
Öryggi og heilsa nemenda og starfsfólks er fyrir öllu. Viðkvæma hópa þarf að verja sérstaklega og tryggja að umsvifalaust sé brugðist við öllum mikilvægum upplýsingum sem þetta varðar.
Á meðan tónlistarskólarnir/grunnskólarnir starfa er það ákvörðun forráðamanna/nemandanna sjálfra hvort þeir kjósi að taka hlé frá námi um óákveðinn tíma til að tryggja öryggi sitt og barna sinna. Öruggast er auðvitað að halda börnunum heima ef hægt er. Vinsamlegast hafið samband við skólastjóra/kennara hið fyrsta sé tekin ákvörðun um slíkt.
Ef flensulíkra einkenna verður vart (þó svo minniháttar séu) hjá nemanda, forráðamanni eða öðrum fjölskyldumeðlim ber að halda nemandanum heima.
Ef nemandi eða forráðamaður hefur verið í samskiptum við einstakling sem settur hefur verið í sóttkví skal samstundis láta vita af því og halda nemandanum heima.
Dragið úr smithættu með því að þvo vel hendur barna ykkar og ykkar sjálfra og sótthreinsa við komu í skólann.
Sótthreinsun er í eins góðu lagi og mögulegt er að hafa hana í skóla sem kennir á hljóðfæri. Yfirborðsfletir eru þrifnir/sótthreinsaðir svo og hljóðfæri eins og mögulegt er. Hljóðnemar og blásturshljóðfæri verða ekki notuð í skólanum á meðan þetta ástand varir nema nemandinn komi með sín eigin blásturshljóðfæri/hljóðnema.
Nálægð á milli fólks í hljóðfærakennslu/námi er mikil og því verður ekki hægt að halda umbeðinni fjarlægð til að takmarka möguleika á smiti.
Foreldrar eru beðnir um að fara að þeim tilmælum sem koma frá skólayfirvöldum og skólastjórnendum um skólahald á hverjum tíma.
Gangi okkur öllum vel og kær kveðja,
Valgerður
Bréf almannavarna til nemenda, foreldra og forráðamanna.
Kæru nemendur og forráðamenn.
Skólar starfa nú samkvæmt viðbragðsáætlunum sínum og bregðast við aðstæðum með hliðsjón af fyrirmælum sóttvarnarlæknis og almannavarna. Mikilvægt er að nemendur, foreldrar og forráðamenn geri það einnig.
Veikindi
Mælst er til þess að nemendur sem eru með hita eða einkenni sem svipar til einkenna kórónaveirunnar COVID-19 mæti ekki í skólann á meðan neyðarstig almannavarna er í gildi.
Helstu einkenni eru: Hiti, hósti, þreyta, vöðva-, bein-, eða höfuðverkur. Meltingareinkenni (kviðverkir, ógleði/uppköst, niðurgangur) eru ekki algeng einkenni vegna COVID-19 en þekkjast þó.
Mikilvægt er að fylgjast vel með tilmælum landlæknis en nýjustu upplýsingar má finna á vef hans. Á dögunum voru gefnar út leiðbeiningar fyrir einstaklinga með áhættuþætti vegna COVID-19,
https://www.landlaeknir.is/servlet/file/store93/item39475/Lei%C3%B0beiningar%20fyrir%20%C3%A1h%C3%A6ttuh%C3%B3pa.pdf
Nemendur í sóttkví geta áfram sinnt námi sínu að einhverju leyti og skal stefnt að því að slíkar aðstæður hafi sem minnst áhrif á nám. Ferðalög Þar sem skilgreining hættusvæða breytist hratt eru foreldrar og forráðamenn hvattir til að fylgjast sérstaklega með þeim upplýsingum og taka mið af þeim við ákvarðanir sínar um ferðalög og viðeigandi ráðstafanir eftir að heim er komið. Upplýsingar um skilgreind hættusvæði má nálgast hér.
https://www.landlaeknir.is/um-embaettid/greinar/grein/item39194/Skilgreind-ahaettusvaedi---Defined-high-risk-areas
Einstaklingar sem eru að koma frá útlöndum og í vafa um hvort nauðsynlegt sé fyrir viðkomandi að fara í sóttkví er mikilvægt að fá ráðgjöf um slíkt hjá heilsugæslunni eða í vaktsíma 1700 áður en nemandi mætir í skólann. Að öðru leyti þá eru grunnskilaboðin þessi:
✓ Hreinlæti er fyrir öllu: Þvoum okkur oft og vel um hendurnar með vatni og sápu. Gott er að nota líka handspritt ef hendur eru ekki sýnilega óhreinar.
✓ Ef þú þarft að hósta eða hnerra er betra að gera það í olnbogann eða í bréf en ekki í hendurnar eða út í loftið.
✓ Gætum þess að snerta andlitið sem minnst með höndunum, t.d. augun, munninn og nefið því þannig getur veiran komist inn í líkamann.
✓ Forðumst faðmlög, kossa og knús, notum heldur brosið. Þannig er hægt að forðast smit og forðast að smita aðra.
✓ Forðumst náin samskipti við þá sem eru veikir.
✓ Tökum hlutunum með ró og förum eftir leiðbeiningum.
Það er mikilvægt að við stöndum öll saman í því að hægja á útbreiðslu veirunnar.
Aðalfundur Foreldra- og styrktarfélags Tónstofu Valgerðar
Foreldra- og styrktarfélag Tónstofu Valgerðar boðar til aðalfundar.
Aðalfundur Foreldra- og styrktarfélags Tónstofu Valgerðar verður haldinn mánudaginn 28. október kl. 18:30 í Tónstofunni að Stórhöfða 23 (gengið inn á jarðhæð að norðanverðu).
Dagskrá aðalfundarins tekur mið af almennum lögum um fundarsköp og er sem hér segir:
1. Kosning fundarstjóra og fundarsetning.
2. Skýrsla stjórnar.
3. Reikningar félagsins lagðir fram til samþykktar.
4. Lagabreytingar kynntar og lagðar fram til samþykktar.
5. gr.
Aðalfundur fer með æðsta vald í málefnum félagsins. Hann skal haldinn í október árlega. Aðalfund skal boða rafrænt með a.m.k. viku fyrirvara. Fundurinn telst lögmætur sé rétt til hans boðað. Dagskrá aðalfundar tekur mið af almennum lögum um fundarsköp.
5. gr. verður:
5. gr.
Aðalfundur fer með æðsta vald í málefnum félagsins. Hann skal haldinn í febrúar/mars árlega. Aðalfund skal boða rafrænt með a.m.k. viku fyrirvara. Fundurinn telst lögmætur sé rétt til hans boðað. Dagskrá aðalfundar tekur mið af almennum lögum um fundarsköp.
6. gr.
Stjórn félagsins skal kjörin á aðalfundi til eins árs í senn. Hún skal skipuð sjö mönnum. Stjórnin skiptir með sér verkum. Reikningsár félagsins er frá. 1. september til 31. ágúst.
6. gr. verður:
6. gr.
Stjórn félagsins skal kjörin á aðalfundi til eins árs í senn. Hún skal skipuð sjö mönnum. Stjórnin skiptir með sér verkum. Reikningsár félagsins er frá 1. ágúst til 31. júlí.
4. Ákvörðun félagsgjalda.
5. Kosning stjórnar.
6. Kosning skoðunarmanna reikninga.
7. Fyrirspurnir og umræður.
Með bréfi þessu vill núverandi stjórn kynna tilurð og starfsemi félagsins.
Foreldra- og styrktarfélag Tónstofu Valgerðar var stofnað haustið 2000. Meginmarkmið þess var að efla Tónstofuna og stuðla að því að hún yrði sjálfstæður tónlistarskóli sem nyti sömu fyrirgreiðslu og aðrir tónlistarskólar en þar sem nemendur sem þyrftu sérstakan stuðning hefðu forgang. Í því sambandi vísar félagið til laga um tónlistarskóla, Aðalnámskrá tónlistarskóla (almennur hluti, 2000) og laga um jafnrétti fatlaðra til náms. Staðreyndin er sú að í Tónstofunni hafa verið nemendur sem ekki hafa átt greiðan aðgang að tónlistarskólum landsins og nemendur sem vísað hefur verið frá námi þegar sýnt þótti að þeir uppfylltu ekki kröfur um námsárangur eða þegar einstakir kennarar gáfust upp af því að sérþekkinguna skorti.
Valgerður Jónsdóttir hefur unnið einstakt og ómetanlegt brautryðjandastarf á þeim árum sem liðin eru frá því Tónstofa hennar tók til starfa (1986). Þar hefur hún og frábærir samkennarar hennar annast kennslu nemenda með mjög mismunandi fatlanir og náð ótrúlegum árangri eins og allir geta borið vitni um sem hlýtt hafa á nemendatónleika Tónstofunnar. Nemendahópurinn er á öllum aldri og kemur úr Reykjavík og nágrannasveitarfélögunum. Námið er aðlagað þörfum og þroska hvers einstaklings. Þeir einstaklingar sem hér um ræðir eiga sér ekki volduga talsmenn. Því er brýnt að allir áhugamenn taki höndum saman og standi vörð um Tónstofu Valgerðar og þá starfsemi sem þar fer fram.
Félagsgjöld og styrktarfé sem félagið aflar hefur meðal annars verið nýtt til kaupa á hljóðfærum svo sem flygli, píanói, hljómborði og ásláttarhljóðfærum. Einnig styrkti félagið kaup á stólum í nýja húsnæðið uppi á Stórhöfða og kaup á myndavél sem nýtist á tónleikum og við kennslu. Félagsgjöld innheimtast að vori en greiðsla þeirra er valfrjáls.
Foreldrafélagið hefur einnig umsjón með Styrktar- og minningarsjóði Bjöllukórs Tónstofu Valgerðar sem stofnaður var í minningu Kára Þorleifssonar sem lést 16. mars 2011. Kári var einn af meðlimum Bjöllukórsins og nemandi Tónstofunnar til margra ára. Frumkvöðlar að stofnun sjóðsins voru foreldrar Kára, þau Þorleifur Hauksson og Guðný Bjarnadóttir. Sjóðurinn er í vörslu Foreldra- og styrktarfélags Tónstofunnar og aflar fjár með minningargjöfum. Markmið Styrktarsjóðsins er að styðja við og efla starfsemi Bjöllukórsins og Tónstofunnar. Minningarkort eru send í gegnum heimasíðu Tónstofunnar https://tonstofan.is/styrktarsjodur/
Foreldra- og styrktarfélag Tónstofu Valgerðar gegnir hlutverki skólanefndar. Í henni sitja:
Rut Ríkey Tryggvadóttir, formaður
Gerður Steinþórsdóttir, varaformaður
Gunnhildur Gísladóttir, gjaldkeri
Sólborg Bjarnadóttir, ritari
Dóra Eydís Pálsdóttir, meðstjórnandi
Ásthildur Gyða Torfadóttir, meðstjórnandi
Valgerður Jónsdóttir, fulltrúi kennara
Stjórn Foreldra- og styrktarfélags Tónstofunnar hvetur alla til að mæta á aðalfundinn og tjá skoðanir sínar og hugmyndir varðandi framgang félagsins, markmið þess (sjá meðfylgjandi lög) og framtíð skólans. Foreldrafélagið starfar fyrir nemendur og foreldra Tónstofunnar. Frekari upplýsingar um Tónstofuna má finna á heimasíðu skólans www.tonstofan.is.
Lög Foreldra- og styrktarfélags Tónstofu Valgerðar eru svohljóðandi:
1. gr.
Félagið heitir Foreldra- og styrktarfélag Tónstofu Valgerðar. Lögheimili og varnarþing félagsins er í Reykjavík. Stjórn félagsins gegnir hlutverki skólanefndar Tónstofu Valgerðar.
2. gr.
Markmið félagsins er að vera stuðningsaðili í öllu starfi skólans.
3. gr.
Markmiðum sínum hyggst félagið ná með því að:
a. Veita skólastjórnendum aðhald og hollráð í innra og ytra starfi skólans.
b. Stuðla að kynningu á starfsemi skólans.
c. Efla samkennd meðal nemenda og foreldra/forráðamanna.
4. gr.
Í félaginu eru foreldrar/forráðamenn nemenda Tónstofunnar. Velunnarar Tónstofunnar sem vilja leggja starfinu lið geta einnig orðið félagsmenn.
5. gr.
Aðalfundur fer með æðsta vald í málefnum félagsins. Hann skal haldinn í október/nóvember árlega. Aðalfund skal boða rafrænt með a.m.k. viku fyrirvara. Fundurinn telst lögmætur sé rétt til hans boðað. Dagskrá aðalfundar tekur mið af almennum lögum um fundarsköp.
6. gr.
Stjórn félagsins skal kjörin á aðalfundi til eins árs í senn. Hún skal skipuð sjö mönnum. Stjórnin skiptir með sér verkum. Reikningsár félagsins er frá 1. september til 31. ágúst.
7. gr.
Félagsgjad er valfrjálst. Upphæðin ákvarðast á aðalfundi og innheimtist að vori. Stjórnin sér um fjáröflunarleiðir fyrir félagið.
Kær kveðja,
Stjórn Foreldra- og styrktarfélags Tónstofu Valgerðar
P.S.
Netfangalisti Tónstofunnar er uppfærður reglulega, en villur geta slæðst inn. Forráðamenn eru vinsamlegast beðnir um að uppfæra netföng sín (og barna sinna) á miðlægum gagnagrunni Reykjavíkurborgar (mínar síður).
Upphaf skólaársins 2019-2020
Kæru nemendur og forráðamenn.
Undirbúningur fyrir vetrarstarfið er í fullum gangi og stundatöflugerðin er hafin í Tónstofunni. Ef vel gengur hefst kennsla mánudaginn 26. ágúst. Við bendum ykkur á að hægt er að senda kennurum tölvupóst með upplýsingum um þær tímasetningar sem henta ykkur best. Reynt verður að koma til móts við óskir eins vel og kostur er.
Við vonum að þið hafið notið sumars og séuð spennt fyrir ljúfum leik á komandi vetri. Nýnema bjóðum við hjartanlega velkomna.
Með kærri kveðju og tilhlökkun!
Foreldra- og styrktarfélag Tónstofunnar félagsgjöld.
Frá stjórn Foreldra- og styrktarfélags Tónstofu Valgerðar.
Eni: Kynning á Foreldra- og styrktarfélagi Tónstofunnar vegna innheimtu félagsgjalda.
Innheimta vegna félagsgjalda að upphæð 3.000 krónur hefur verið send í heimabanka og hvetur Foreldrafélagið nemendur og aðstandendur til að styðja starf félagsins með greiðslu félagsgjalda en áréttar að greiðslan er valfrjáls.
Foreldra- og styrktarfélag Tónstofu Valgerðar var stofnað haustið 2000. Meginmarkmið þess var að efla Tónstofuna og stuðla að því að hún yrði sjálfstæður tónlistarskóli sem nyti sömu fyrirgreiðslu og aðrir tónlistarskólar en þar sem einstaklingar sem þyrftu sérstakan stuðning í námi hefðu forgang. Í því sambandi vísar félagið til laga um tónlistarskóla, Aðalnámskrá tónlistarskóla (almennur hluti, 2000) og laga um jafnrétti fatlaðra til náms. Staðreyndin er sú að í Tónstofunni hafa verið nemendur sem ekki hafa átt greiðan aðgang að tónlistarskólum landsins og nemendur sem vísað hefur verið frá námi þegar sýnt þótti að þeir uppfylltu ekki kröfur um námsárangur eða þegar einstakir kennarar gáfust upp af því að sérþekkinguna skorti.
Valgerður Jónsdóttir hefur unnið einstakt og ómetanlegt brautryðjandastarf á þeim árum sem liðin eru frá því Tónstofa hennar tók til starfa haustið 1986. Þar hefur hún og frábærir samkennarar sem komu til starfa árið 2005 annast kennslu nemenda með mjög mismunandi fatlanir og náð ótrúlegum árangri eins og allir geta borið vitni um sem hlýtt hafa á nemendatónleika Tónstofunnar. Nemendahópurinn er á öllum aldri og kemur úr Reykjavík og nágrannasveitarfélögunum. Námið er aðlagað þörfum og þroska hvers einstaklings. Þeir einstaklingar sem hér um ræðir eiga sér ekki volduga talsmenn. Því er brýnt að allir áhugamenn taki höndum saman og standi vörð um Tónstofu Valgerðar og þá starfsemi sem þar fer fram.
Auk þess að standa vörð um starfsemina og vinna að því að efla hana hefur foreldra- og styrktarfélagið sótt styrki til fyrirtækja, sem ásamt félagsgjöldum hafa meðal annars verið nýttir til kaupa á hljóðfærum svo sem flygli, píanói, hljómborði og ásláttarhljóðfærum. Einnig styrkti félagið kaup á stólum í nýja húsnæðið uppi á Stórhöfða og kaup á myndavél sem nýtist á tónleikum og við kennslu.
Foreldrafélagið hefur einnig umsjón með Styrktarsjóði Bjöllukórs Tónstofu Valgerðar sem stofnaður var í minningu Kára Þorleifssonar sem lést 16. mars 2011 en Kári var einn af meðlimum Bjöllukórsins og nemandi Tónstofunnar. Markmið sjóðsins er að efla starfsemi Bjöllukórsins. Frekari upplýsingar um Tónstofuna má finna á heimasíðu skólans.
Foreldra- og styrktarfélag Tónstofu Valgerðar gegnir hlutverki skólanefndar. Í henni sitja:
Rut Ríkey Tryggvadóttir, formaður
Gerður Steinþórsdóttir, varaformaður
Gunnhildur Gísladóttir, gjaldkeri
Dóra Eydís Pálsdóttir, ritari
Ásthildur Gyða Torfadóttir, meðstjórnandi
Sólborg Bjarnadóttir, meðstjórnandi
Valgerður Jónsdóttir, fulltrúi kennara
Endurnýjun umsókna fyrir skólaárið 2019-2020!
Kæru nemendur, forráðamenn og aðrir áhugasamir um tónlistarnám í Tónstofunni.
Nemendafjöldi Tónstofunnar ræðst af þeim þjónustusamningi sem Reykjavíkurborg gerir við skólann og einnig þeim stuðningi sem nemendur með lögheimili í nágrannasveitarfélögunum fá frá ári til árs. Sá stuðningur er breytilegur og óviss á milli ára. Á hverjum tíma gerir Tónstofan eins vel og hún getur en harmar að geta ekki veitt öllum sem þess óska skólavist.
Föstudaginn 22. mars var opnað fyrir rafrænar umsóknir um tónlistarnám í tónlistarskólum með þjónustusamninga við Reykjavíkurborg skólaárið 2019-2020.
Nemendur sem þegar stunda nám í tónlistarskólunum hafa að jafnaði forgang en þurfa að endurnýja umsóknir í samráði við kennara sína og skóla. Sótt er um í gegnum Rafræna Reykjavík - www.rafraen.reykjavik.is
Ritari Tónstofunnar getur einnig gengið frá umsóknum fyrir næsta skólaár óski forráðamenn þess.
Nemendur sem eiga lögheimili utan Reykjavíkur, þurfa einnig að endurnýja umsóknir hjá lögheimilissveitarfélagi sínu og er mikilvægt að gera það sem fyrst.
Ef spurningar vakna vinsamlegast hafið samband við skólastjóra Tónstofunnar í síma 8622040 eða á netfanginu tonsvj@mmedia.is
Sjá tónlistarnám í Reykjavík - http://reykjavik.is/thjonusta/tonlistarnam-i-reykjavik
Electronic applications for enrollment in Music schools in Reykjavik began March 22nd. Enrolled students need to renew their applications in consultation with their teacher and school authorities. Electronic application can be accessed through Reykjavík - www.rafraen.reykjavik.is
The school's secretary can also assist parents in their application process.
Students who live outside Reykjavík must also contact their school administration office and apply for support due to "nám utan lögheimilissveitarfélag".
If questions arise please contact Valgerður
Phone: 8622040
tonsvj@mmedia.is
Polish:
Elektroniczne aplikacje do Miejskiej Szkoły Muzycznej zostaną otwarte dzięki umowom z Urzędem Miasta Reykjavik w roku szkolnym 2019-2020 od godz. 09:00 w piątek, 22 marca.
Uczniowie, którzy już są w szkołach muzycznych, muszą odnawiać aplikacje w porozumieniu ze swoją szkołą.
Zapisy za pośrednictwem strony internetowej: Electronic Reykjavík - www.rafraen.reykjavik.is
Jeśli pojawią się pytania, skontaktuj się z Miejską Szołą Muzyczną.
Zobacz jak wygląda edukacja w Miejskiej Szkole Muzycznej w Reykjaviku - http://reykjavik.is/thjonusta/tonlistarnam-i-reykjavik
Rekrutacja do Orkiestry w Reykjaviku odbędzie się tydzień później i zostanie ogłoszona osobno.
Opið hús 2. mars!
Laugardaginn 2. mars verður opið hús í Tónstofunni.
Dagskráin verður sem hér segir:
Klukkan 10:00 hefst kynning á skólanum.
Klukkan 10:30 verður opin æfing Bjöllukórsins og áhugasamra gesta sem munu stilla saman strengi sína og syngja og leika saman.
Klukkan 11:30 verður boðið upp á vöfflur og súkkulaði við undirleik orgelleikarans Gísla Björnssonar og annarra sem vilja stíga á svið og skemmta gestum.
Dagskránni lýkur um klukkan 12:00.
Verið hjartanlega velkomin!
Vetrarfrí 25. og 26. febrúar!
Kæru nemendur og forráðamenn.
Kennarar Tónstofunnar minna ykkur á vetrarfríið mánudaginn 25. og þriðjudaginn 26. febrúar.
Hugsast getur að kennarar bjóði upp á forfallatíma þessa daga og munu þeir þá hafa beint samband við sína nemendur hvað það varðar.
Kær kveðja,
Kennarar Tónstofunnar
Vorönnin 2019
Kæru nemendur og forráðamenn.
Kennarar Tónstofunnar óska nemendahópnum og aðstandendum þeirra gleðilegs árs!
Kennsla hefst samkvæmt stundatöflu fimmtudaginn 3. janúar 2019.
Vegna veikinda og skipulagsmála hefst kennsla hjá nemendum Kirstínar Ernu Blöndal og Jónu Þórsdóttur í næstu viku (7. janúar) að öllu óbreyttu.
Fyrsta æfing hjá Bjöllukórnum á nýju ári verður föstudaginn 11. janúar.
Hlökkum til að sjá ykkur!
Kær kveðja,
Kennarar Tónstofunnar
Í dag er mannréttindadagur barna!
Stöndum vörð um mannréttindi ALLRA barna!
Mannréttindi fatlaðra barna eru sérstaklega áréttuð og varin í Barnasáttmála Sameinuðu þjóðanna og einnig í samningi Sameinuðu þjóðanna um réttindi fatlaðs fólks. Íslensk stjórnvöld hafa skuldbundið sig til að tryggja öllum fötluðum börnum á Íslandi þau réttindi sem mælt er fyrir um í þessum mikilvægu mannréttindasamningum.
"United Nations Universal Children’s Day was established in 1954 and is celebrated on November 20th each year to promote international togetherness, awareness among children worldwide, and improving children's welfare."
"November 20th is an important date as it is the date in 1959 when the UN General Assembly adopted the Declaration of the Rights of the Child. It is also the date in 1989 when the UN General assembly adopted the Convention on the Rights of the Child"
Í leit að töfrum - Tillaga að nýrri stjórnarskrá
Sunnudaginn 4. nóvember lauk listahátíðinni Cycle sem fór nú fram í fjórða sinn. Í bæklingi hátíðarinnar stendur „Hátíðin hefur á stuttum tíma náð að festa sig í sessi í íslensku menningarlífi sem fjölþjóðlegur vettvangur listrænnar samvinnu, sköpunar og rannsókna.“ „Hátíðin í ár ber yfirskriftina Þjóð meðal þjóða þar sem fjallað er um fullveldisafmæli Íslands í sambandi við nýlendusöguna, sjálfsmyndir Íslendinga og fjölbreytni menningar á tímum fólksflutninga og hnattvæðingar.“
Bjöllukór Tónstofunnar var boðið að taka þátt í verki Ólafs Ólafssonar og Libia Castro, sem flytjendur í verkinu Í leit að töfrum – Tillaga að nýrri stjórnarskrá fyrir lýðveldið Ísland. Í Vinnustofu #2 sem fram fór dagana 25. til 28. október kom hópurinn saman til að vinna: söngvarar, hljóðfæraleikarar, lesendur og fleiri. Tónverkið, sem er „verk í ferli og opinni framvindu“ verður samið með ólíka hópa og einstaklinga í huga, leika og lærða þátttakendur með ólíka getu og bakgrunn.
Tónskáldin Karólína Eiríksdóttir og Þórunn Gréta Sigurðardóttir sömdu tónlistina við þær greinar stjórnarskrárinnar sem Bjöllukórinn fékk að spreyta sig á. Við í Bjöllukórnum nutum okkar vel í þessu samstarfi. Við höfðum gaman af að kynnast nýrri tónlist og nýjum listamönnum, að opna kórinn fyrir nýjum flytjendum og að leggja hönd á plóginn með bjöllunum okkar Í leitinni að töfrum.
Hjartans þakkir Ólafur Ólafsson og Libia Castro.
Fréttapistill að loknum aðalfundi
Aðalfundur Foreldra- og styrktarfélags Tónstofu Valgerðar var haldinn mánudaginn 29. október kl. 20:00 í Tónstofunni að Stórhöfða 23. Dagskrá aðalfundarins tók mið af almennum lögum um fundarsköp og var sem hér segir:
1. Kosning fundarstjóra og fundarsetning.
2. Skýrsla stjórnar.
3. Reikningar félagsins lagðir fram til samþykktar.
4. Ákvörðun félagsgjalda.
5. Kosning stjórnar.
6. Kosning skoðunarmanna reikninga.
7. Fyrirspurnir og umræður.
Á fundinum flutti Rut Ríkey Tryggvadóttir formaður skýrslu stjórnar og Gunnhildur Gísladóttir gjaldkeri lagði fram reikninga félagsins til samþykktar. Ákveðið var að halda félagsgjaldinu óbreyttu eða krónur 3000. Greiðslan innheimtist að vori og er valfrjáls en afar mikilvæg sem aðal fjáröflunarleið félagsins. Félagsgjöld og styrktarfé sem félagið aflar hefur meðal annars verið nýtt til kaupa á flygli, píanói, hljómborði og ásláttarhljóðfærum. Einnig styrkti félagið kaup á stólum og myndavél sem nýtist við kennslu og tónleikahald á Stórhöfðanum.
Í skýrslu sinni minntist Rut Ríkey pabba, Jóns Ragnars Einarssonar, sem lést 9. september sl. og þótti mér afar vænt um það. „Óneitanlega leitar hugurinn aftur til fyrstu ára Tónstofunnar á þessum tímapunkti. Yfirbygging Tónstofunnar hefur alla tíð verið lítil og hefur Valgerður notið dyggrar aðstoðar fjölskyldu sinnar á þessari áratuga vegferð. Á þessu ári kvaddi einnig sorgin dyra þegar faðir Valgerðar kvaddi okkur nú á haustdögum. Ég vil nota tækifærið til að þakka honum fyrir öll þau mikilvægu og óeigingjörnu störf sem hann vann í þágu Tónstofunnar.“
Þau eru ófá borðin, bekkirnir, hillurnar og standarnir sem pabbi smíðaði fyrir Tónstofuna í gegnum árin; að ekki sé minnst á alla aðra aðstoð, ómetanlegan stuðning og hvatningu sem hann og móðir mín hafa veitt á liðnum árum til að auðvelda framgang Tónstofunnar. Ég veit að þú fylgist með úr fjarlægð elsku pabbi og svífur yfir og allt um kring á tónleikunum okkar sem þú naust frá hjartans rótum.
„Hápunktur þessa árs“ segir Rut Ríkey „var svo þegar Valgerður var sæmd riddarakrossi hinnar íslensku fálkaorðu fyrir störf sín í þágu samfélagsins! Með þrautseigju, eljusemi, frumkvæði og trú sannfæringu sinni á jafnrétti allra til tónlistarnáms hefur henni tekist að afla skólanum þess virðingarsess sem hann nýtur í íslensku samfélagi!! Tónstofan hefur vaxið af draumsýn og við höfum horft á hana vaxa og njóta viðurkenningar og fengið að taka þátt í þeirri vegferð -Tónstofan á sér enn drauma og framtíðarsýn um ónumin lönd – hérlendis sem erlendis. Tónstofan og Valgerður hafa sýnt og sannað að það er allt hægt!“
Ég þakka stjórninni, sem jafnframt gegnir hlutverki skólanefndar, fyrir þann kærleiksríka og ómetanlega stuðning sem hún hefur veitt mér í gegnum árin. Undirrituð, oft að niðurlotum komin, hefur sótt styrk í það trygga bakland sem hún á í stjórn Foreldra- og styrktarfélags Tónstofunnar. Stjórnin hvetur alla sem áhuga hafa á framgangi félagsins, markmiðum þess og framtíð skólans að leggja lóð sín á vogarskálarnar með þátttöku í starfi félagsins. Foreldrafélagið starfar fyrir nemendur og foreldra Tónstofunnar.
Undir liðnum fyrirspurnir og önnur mál fór undirrituð í stuttu máli yfir starf skólans það sem af er haustönninni 2018:
Kennsla hófst mánudaginn 27. ágúst. Fjöldi nemenda er svipaður og í fyrra, en miðað við núverandi aðstæður og fyrirkomulag hefur Tónstofan bolmagn til að kenna 130 nemendum.
Samvinna við Ás styrktarfélag heldur áfram sem býður skjólstæðingum sínum að sækja námskeiðin “Tón-leikur” og “Radd-leikur” í Tónstofunni.
Tónstofan er áfram með útibú í Öskju þar sem Jóna Þórsdóttir kennir nemendum í 5. til 10. bekk Klettaskóla. Tónstofan er einnig með aðstöðu í Bjarkarási þar sem Jóna kennir yngstu nemendum Tónstofunnar. Nemendur hafa einnig kost á að sækja tíma sína í Háaleitisskóla hjá Marie Huby og tveir nemendur nýta sér það á haustönninni. Við erum þakklát fyrir þann velvilja sem forráðamönnum nemendahópsns er auðsýndur með því að gera þetta mögulegt.
Aldur nemendahópsins er breiður, en í upphafi skólaársins eru þeir frá eins og hálfs árs til sextíu ára gamlir.
Stöðugildi kennara eru fjögur. Tveir eru í fullu starfi en fimm kennarar skipta með sér tveimur stöðugildum.
Á starfsdegi kennara 24. september kom prófessor Kristín Björnsdóttir í heimsókn til okkar og flutti skemmtilegt erindi um "Skóla án aðgreiningar". Í framhaldi af erindi Kristínar spunnust á kennarastofunni líflegar umræður um stöðu Tónstofunnar í íslensku samfélagi.
Hljómvangur I, II, og III er nú aðgengilegur á netinu, og hafa myndböndin fengið góðar undirtektir. Við þökkum Álfheiði Erlu Guðmundsdóttur hjartanlega fyrir vel unnin störf. Viðtöl við foreldra og tónelskt listafólk veitir dýmæta innsýn í starfsemi og hugsjón Tónstofunnar.
Mánudaginn 8. október lék Bjöllukórinn í Ráðhúsinu fyrir ráðstefnugesti “International Short Break Association”. Bjöllukórinn stóð sig vel að vanda og vakti hljóðfærið okkar (bjöllurnar) mikla forvitni meðal ráðstefnugesta sem vildu vita hvernig hægt væri að nota þær með ólíkum hópum fólks.
Sunnudaginn 14. október hélt undirrituð “keynote speech” á ráðstefnunni Diversity within the Creative Arts Therapies norrænni ráðstefnu listmeðferðarfræðinga, músíkmeðferðarfræðinga og leiklistarmeðferðarfræðinga. https://www.ncatc2018.is/
Fyrstu ráðstefnuna skipulagði listmeðferðarfræðingurinn Sigríður Björnsdóttir árið 1975. Ég er afar þakklát fyrir að hafa fengið tækifæri til að tjá mig um þær meginhugmyndir (keynote) sem ég hef að leiðarljósi í starfi mínu sem músíkmeðferðarfræðingur og tónlistarkennari. Fyrirlesturinn hét "Community Centred Music Caring. What defines us as therapists?" Ég er einnig afar þakklát tónlistarmanninum Gísla Björnssyni sem var mér til halds og trausts á fyrirlestrinum og glæddi hann lífi með sínum einstaka hljóðfæraleik.
Karólína Eiríksdóttir tónskáld kom í heimsókn til okkar á Bjöllukórsæfingu föstudaginn 5. október. Tilgangurinn var að kynnast kórnum og möguleikum hans vegna þátttöku í verki Ólafs Ólafssonar og Libia Castro "Í leit að töfrum – Tillaga að nýrri stjórnarskrá fyrir lýðveldið Ísland" sem var og er hluti af listahátíðinni Cycle sem fór nú fram í fjórða sinn. Við höfðum ánægju af að leika fyrir Karólínu og verður mjög forvitnilegt að sjá hvernig samstarfið þróast.
Í bæklingi hátíðarinnar sem lauk 4. nóvember stendur „Hátíðin hefur á stuttum tíma náð að festa sig í sessi í íslensku menningarlífi sem fjölþjóðlegur vettvangur listrænnar samvinnu, sköpunar og rannsókna.“ „Hátíðin í ár ber yfirskriftina Þjóð meðal þjóða þar sem fjallað er um fullveldisafmæli Íslands í sambandi við nýlendusöguna, sjálfsmyndir Íslendinga og fjölbreytni menningar á tímum fólksflutninga og hnattvæðingar.“
Í Vinnustofu #2 sem fram fór dagana 25. til 28. október kom hópurinn saman til að vinna: söngvarar, hljóðfæraleikarar, lesendur og fleiri. Tónverkið, sem er „verk í ferli og opinni framvindu“ verður samið með ólíka hópa og einstaklinga í huga, leika og lærða þátttakendur með ólíka getu og bakgrunn. Tónskáldin Karólína Eiríksdóttir og Þórunn Gréta Sigurðardóttir sömdu tónlistina við þær greinar stjórnarskrárinnar sem Bjöllukórinn fékk að spreyta sig á. Við í Bjöllukórnum nutum okkar vel í þessu samstarfi. Við höfðum gaman af að kynnast nýrri tónlist og nýjum listamönnum, að opna kórinn fyrir nýjum flytjendum og að leggja hönd á plóginn með bjöllunum okkar Í leitinni að töfrum. Hjartans þakkir Ólafur Ólafsson og Libia Castro. Framhaldið verður spennandi!
Tónstofan hefur fengið boð frá norskum vinum sínum frá Gjøvik (þeim sem heimsóttu okkur vorið 2017) um að koma í heimsókn þegar þau fagna 10 ára afmæli sínu haustið 2019. Mér þykir persónulega mjög vænt um þetta boð og hef þegið það fyrir hönd Bjöllukórsins sem hefur frá stofnun hans árið 1997 verið í framvarðasveit Tónstofunnar.
Framundan hjá kórnum í desember eru ófá verkefni, þar sem við fáum tækifæri til að miðla fagurri tónlist í einstökum hljómi einlægni og kærleika.
„Eftir glæsilegt afmælisár veturinn 2016-2017 heldur Tónstofan áfram að vaxa og dafna“ eins og Rut Ríkey komst að orði í skýrslu stjórnar á aðalfundinum. Við eigum útgefna tvo hljómdiska og mynddisk „Hljómfang“ og „Hljómvang“ sem eru til sölu í Tónstofunni og í 12 Tónum. Heimasíðan er hin glæsilegasta með fjölbreyttu efni og kynningarmyndböndunum Hljómvangur I, II, og III. https://tonstofan.is/hljomvangur/
Á Hljómvangi mun myndböndum úr starfi skólans fjölga eins og starfskraftar leyfa.
Blað var brotið í sögu skólans í haust þegar ráðnar voru manneskjur til að þrífa skólann en því hlutverki hefur undirrituð gengt í 31 ár.
Niðurstöður foreldrakönnunar skóla- og frístundasviðs frá sl. vori komu vel út fyrir Tónstofuna og var svar hlutfall 55%. Mun Tónstofan vinna úr tölfræðilegum upplýsingum og opnum svörum könnunarinnar til hagsbóta fyrir nemendahópinn og forráðamenn þeirra. Þess má geta að 100% svarenda töldu skólann uppfylla vel þær væntingar sem þeir gera til tónlistasrnáms barna sinna, og þegar á heildina er litið voru 100% svarenda ánægðir með starfsemina.
Á þessum jákvæðu nótum og með jólalög- og sálma allt umlykjandi sem hljóma frá hverri stofu til undirbúnings jólatónleikunum sem framundan eru lýk ég þessum pistli.
Valgerður Jónsdóttir.
Aðalfundur Foreldra- og styrktarfélags Tónstofu Valgerðar
Aðalfundur Foreldra- og styrktarfélags Tónstofu Valgerðar verður haldinn mánudaginn 29. október kl. 20:00 í Tónstofunni að Stórhöfða 23 (gengið inn á jarðhæð að norðanverðu).
Dagskrá aðalfundarins tekur mið af almennum lögum um fundarsköp og er sem hér segir:
1. Kosning fundarstjóra og fundarsetning.
2. Skýrsla stjórnar.
3. Reikningar félagsins lagðir fram til samþykktar.
4. Ákvörðun félagsgjalda.
5. Kosning stjórnar.
6. Kosning skoðunarmanna reikninga.
7. Fyrirspurnir og umræður.
Með bréfi þessu vill núverandi stjórn kynna tilurð og starfsemi félagsins.
Foreldra- og styrktarfélag Tónstofu Valgerðar var stofnað haustið 2000. Meginmarkmið þess var að efla Tónstofuna og stuðla að því að hún yrði sjálfstæður tónlistarskóli sem nyti sömu fyrirgreiðslu og aðrir tónlistarskólar en þar sem nemendur sem þyrftu sérstakan stuðning hefðu forgang. Í því sambandi vísar félagið til laga um tónlistarskóla, Aðalnámskrá tónlistarskóla (almennur hluti, 2000) og laga um jafnrétti fatlaðra til náms. Staðreyndin er sú að í Tónstofunni hafa verið nemendur sem ekki hafa átt greiðan aðgang að tónlistarskólum landsins og nemendur sem vísað hefur verið frá námi þegar sýnt þótti að þeir uppfylltu ekki kröfur um námsárangur eða þegar einstakir kennarar gáfust upp af því að sérþekkinguna skorti.
Valgerður Jónsdóttir hefur unnið einstakt og ómetanlegt brautryðjandastarf á þeim árum sem liðin eru frá því Tónstofa hennar tók til starfa (1986). Þar hefur hún og frábærir samkennarar hennar annast kennslu nemenda með mjög mismunandi fatlanir og náð ótrúlegum árangri eins og allir geta borið vitni um sem hlýtt hafa á nemendatónleika Tónstofunnar. Nemendahópurinn er á öllum aldri og kemur úr Reykjavík og nágrannasveitarfélögunum. Námið er aðlagað þörfum og þroska hvers einstaklings. Þeir einstaklingar sem hér um ræðir eiga sér ekki volduga talsmenn. Því er brýnt að allir áhugamenn taki höndum saman og standi vörð um Tónstofu Valgerðar og þá starfsemi sem þar fer fram.
Félagsgjöld og styrktarfé sem félagið aflar hefur meðal annars verið nýtt til kaupa á hljóðfærum svo sem flygli, píanói, hljómborði og ásláttarhljóðfærum. Einnig styrkti félagið kaup á stólum í nýja húsnæðið uppi á Stórhöfða og kaup á myndavél sem nýtist á tónleikum og við kennslu. Félagsgjöld innheimtast að vori en greiðsla þeirra er valfrjáls.
Foreldrafélagið hefur einnig umsjón með Styrktar- og minningarsjóði Bjöllukórs Tónstofu Valgerðar sem stofnaður var í minningu Kára Þorleifssonar sem lést 16. mars 2011. Kári var einn af meðlimum Bjöllukórsins og nemandi Tónstofunnar til margra ára. Frumkvöðlar að stofnun sjóðsins voru foreldrar Kára, þau Þorleifur Hauksson og Guðný Bjarnadóttir. Sjóðurinn er í vörslu Foreldra- og styrktarfélags Tónstofunnar og aflar fjár með minningargjöfum. Markmið Styrktarsjóðsins er að styðja við og efla starfsemi Bjöllukórsins og Tónstofunnar. Minningarkort eru send í gegnum heimasíðu Tónstofunnar https://tonstofan.is/styrktarsjodur/
Foreldra- og styrktarfélag Tónstofu Valgerðar gegnir hlutverki skólanefndar. Í henni sitja:
Rut Ríkey Tryggvadóttir, formaður
Gerður Steinþórsdóttir, varaformaður
Gunnhildur Gísladóttir, gjaldkeri
Sólborg Bjarnadóttir, ritari
Dóra Eydís Pálsdóttir, meðstjórnandi
Ásthildur Gyða Torfadóttir, meðstjórnandi
Valgerður Jónsdóttir, fulltrúi kennara
Stjórn Foreldra- og styrktarfélags Tónstofunnar hvetur alla til að mæta á aðalfundinn og tjá skoðanir sínar og hugmyndir varðandi framgang félagsins, markmið þess (sjá meðfylgjandi lög) og framtíð skólans. Foreldrafélagið starfar fyrir nemendur og foreldra Tónstofunnar. Frekari upplýsingar um Tónstofuna má finna á heimasíðu skólans www.tonstofan.is.
Lög Foreldra- og styrktarfélags Tónstofu Valgerðar eru svohljóðandi:
1. gr.
Félagið heitir Foreldra- og styrktarfélag Tónstofu Valgerðar. Lögheimili og varnarþing félagsins er í Reykjavík. Stjórn félagsins gegnir hlutverki skólanefndar Tónstofu Valgerðar.
2. gr.
Markmið félagsins er að vera stuðningsaðili í öllu starfi skólans.
3. gr.
Markmiðum sínum hyggst félagið ná með því að:
a. Veita skólastjórnendum aðhald og hollráð í innra og ytra starfi skólans.
b. Stuðla að kynningu á starfsemi skólans.
c. Efla samkennd meðal nemenda og foreldra/forráðamanna.
4. gr.
Í félaginu eru foreldrar/forráðamenn nemenda Tónstofunnar. Velunnarar Tónstofunnar sem vilja leggja starfinu lið geta einnig orðið félagsmenn.
5. gr.
Aðalfundur fer með æðsta vald í málefnum félagsins. Hann skal haldinn í október/nóvember árlega. Aðalfund skal boða rafrænt með a.m.k. viku fyrirvara. Fundurinn telst lögmætur sé rétt til hans boðað. Dagskrá aðalfundar tekur mið af almennum lögum um fundarsköp.
6. gr.
Stjórn félagsins skal kjörin á aðalfundi til eins árs í senn. Hún skal skipuð sjö mönnum. Stjórnin skiptir með sér verkum. Reikningsár félagsins er frá 1. september til 31. ágúst.
7. gr.
Félagsgjad er valfrjálst. Upphæðin ákvarðast á aðalfundi og innheimtist að vori. Stjórnin sér um fjáröflunarleiðir fyrir félagið.
Kær kveðja,
Stjórn Foreldra- og styrktarfélags Tónstofu Valgerðar
Upphaf skólaársins 2018-2019
Kæru nemendur og forráðamenn.
Við vonum að þið hafið notið sumars og að þið séuð spennt fyrir að halda áfram leik á komandi vetri. Nýnema bjóðum við hjartanlega velkomna!
Kennarar hefja stundatöflugerðina í næstu viku og ef hún gengur vel hefst kennsla mánudaginn 27. ágúst. Við bendum ykkur á að hægt er að senda kennurum tölvupóst með upplýsingum um þær tímasetningar sem henta ykkur best. Munum við reyna að koma til móts við óskirnar eins vel og kostur er.
Með kærri kveðju og tilhlökkun!
Endurnýjun umsókna fyrir skólaárið 2018-2019 og viðhorfskönnun frá Skóla- og frístundasviði Reykjavíkurborgar.
Kæru nemendur og forráðamenn.
Vorverkin eru hafin í Tónstofunni. Þeim fylgir áminning til nemendahópsins um að sækja um fyrir næsta skólaár ætli þeir að halda námi sínu áfram.
Þeir sem eiga lögheimili utan Reykjavíkur þurfa einnig að sækja um til síns lögheimilissveitarfélags og er það afar brýnt. Það er gert á þar til gerðum eyðublöðum sem finna má á heimasíðum sveitarfélaganna (íbúagáttunum).
Kennarar munu einnig forvitnast um fyrirætlanir nemendahópsins og nemendalistar verða uppfærðir samhliða.
Á næstu dögum fer af stað viðhorfskönnun til forráðamanna nemenda í tónlistarnámi. Könnunin er á vegum Skóla- og frístundasviðs Reykjavíkurborgar (SFS).
Skólinn fær sérstaka skýrslu með niðurstöðum auk þess sem heildarskýrsla er gerð fyrir alla tónlistarskóla/skólahljómsveitir borgarinnar.
Könnunin fer fram á netinu og verður sendur hlekkur á hana á forráðamann hvers nemanda.
Svörun er mjög mikilvæg og viljum við hvetja ykkur til að bregðast vel við og taka þátt ef beiðni um þátttöku berst til ykkar.
Með kærri kveðju,
Valgerður